ఏపీలో ఇకపై రేషన్ షాపులు రోజంతా ఓపెన్ ఉంటాయి..మినీ మాల్స్ మార్పు.. AP Ration Shops to Operate as Mini Malls | AP ration shops open full day
ఆంధ్రప్రదేశ్ ప్రభుత్వం రేషన్ షాపుల వ్యవస్థలో విప్లవాత్మక నిర్ణయం తీసుకుంది. ఇకపై రేషన్ దుకాణాలు నెలలో కొన్ని రోజులు మాత్రమే కాకుండా రోజంతా ఓపెన్ చేయనున్నారు. పౌరసరఫరాల శాఖ ఈ కొత్త విధానాన్ని అమలు చేస్తూ, వాటిని మినీ మాల్స్గా మార్చే ప్రణాళికను రూపొందించింది.
ప్రజల ఇబ్బందులకు చెక్
ఇప్పటి వరకు రేషన్ సరఫరా ఉదయం, సాయంత్రం కొన్ని గంటలపాటు మాత్రమే అందుబాటులో ఉండేది. కొంతమంది డీలర్లు కూడా సమయానికి దుకాణాలు తెరవకపోవడంతో లబ్ధిదారులు ఇబ్బందులు పడుతున్నారు. ఈ సమస్యను అధిగమించేందుకు ప్రభుత్వం కొత్త విధానాన్ని తీసుకొస్తోంది. ఇకపై ఆంధ్రప్రదేశ్ రేషన్ షాపులు మినీ మాల్స్ రూపంలో సుమారు 12 గంటలపాటు తెరిచి ఉంచనున్నారు.
నిత్యావసర వస్తువులు కూడా అందుబాటులో
కొత్త విధానంలో రేషన్‌తో పాటు నిత్యావసర వస్తువులు కూడా అందుబాటులో ఉండనున్నాయి. అధికారులు ఇప్పటికే జాతీయ వ్యవసాయ కో-ఆపరేటివ్ సొసైటీ, గిరిజన కార్పొరేషన్ వంటి సంస్థల ద్వారా సరఫరా చేయడానికి ప్రణాళికలు సిద్ధం చేస్తున్నారు. ఈ వస్తువులను ప్రభుత్వం కొనుగోలు చేస్తుందా లేదా డీలర్లు స్వయంగా తెస్తారా అనే విషయంలో త్వరలో స్పష్టత ఇవ్వనున్నారు.
రాయితీలు ఉంటాయా?
ప్రజలకు అత్యంత కీలకమైన అంశం – నిత్యావసర వస్తువులు కూడా రాయితీ ధరల్లో దొరుకుతాయా లేదా అన్నది. ఇప్పటివరకు వచ్చిన సమాచారం ప్రకారం ప్రభుత్వం తుది నిర్ణయం తీసుకోకపోయినా, ఆంధ్రప్రదేశ్ రేషన్ షాపులు మినీ మాల్స్ రూపంలో ప్రారంభమైతే లబ్ధిదారులకు భారీ ప్రయోజనం కలగనుంది.
పైలట్ ప్రాజెక్ట్‌తో ప్రారంభం
ప్రస్తుతం పైలట్ ప్రాజెక్ట్‌లో భాగంగా ఒక్కో నగరంలో 15 చొప్పున మొత్తం 75 షాపులను ఎంపిక చేస్తున్నారు. ఈ ప్రక్రియ ఈ వారంలోనే పూర్తయ్యే అవకాశం ఉంది. రేషన్ డీలర్లు రోజంతా దుకాణంలో అందుబాటులో ఉండడంతో పాటు, ఉపాధి కూడా కోల్పోకుండా కొత్త విధానంలో పనిచేయగలరు.
ప్రభుత్వ అంచనాలు
ఆంధ్రప్రదేశ్ రేషన్ షాపులు మినీ మాల్స్గా మారడం వల్ల ప్రజలకు ఎప్పుడైనా సరఫరా సులభంగా లభించనుంది. పైలట్ ప్రాజెక్ట్ విజయవంతమైతే రాష్ట్రవ్యాప్తంగా అన్ని రేషన్ షాపులను ఈ విధానంలోకి మార్చే అవకాశం ఉంది. ఇక ప్రభుత్వం తీసుకున్న ఈ నిర్ణయం ఎంతవరకు సక్సెస్ అవుతుందో చూడాలి.
